FAA-IDOOYINKA CAAFIMAAD EE CABITAANKA BIYAHA.

Waxaanu maqaal kooban ku soo qaadan doonaa faa-idooyinka caafimaad ee aadka u faraha badan ee dadku ka helaan cabitaanka biyo ku filan. Biyaha ayaa ah ku aynu ugu bahida badanahay oo aynaan marnaba ka maarmi Karin. Jidhka bani aadamka ayaa ka kooban 60% biyo ah iyo inta kale oo waxyaabo kale ah. Sida ay khubaro badan oo dhinaca caafimaadka ahi sheegeen qofka bani aadka ah ayaa u baahan ilaa sided littir oo biyo ah maalinkasta inuu cabbo si uu jidhkiisu u caafimaad qabo. Hadaba inaga oo aan soo koobi Karin faa-idooyinka caafimaad ee biyaha waxay ku soo qaadan doonaan dhawr faido. Waxaana ka mid ah.

1.       Biyuhu waxay hagaajisaa dheeli tirnaanta dareeraha jidhka.

Sida aynu horey u soo sheegnay jidhkeeni waxa uu ka koobanyahay in ka badan  60% biyo.  Si ay si waanagsan ugu shaqeeyo jidhku sida  dheefshiidka cuntada, isku socodka nafaqooyinka ee jidhka dhexdiisa iyo in hagaajiyo heer kulka jidhka waxaynu u baahan biyo inagu filan.

2.       Biyuhu waxay jidhka ka caawiyaan inuu haysto koloraydha ama duxda jidhka. Wakhtiyadii hore dad badan ayaa cabitaanka biyaha u isticmaali jiray inay hoos ugu dhigaan culayskooda, lakiin waxa mar danbe la ogaaday inay biyuhu keenaan in jidhku haysto koloraydha, Kolaydhu waxay keentaa in dadku cayilaan ama ay buuraadaan.

3.       Biyuhu waxay xoojiyaan muruqyadda. Marka muruqu aanu helin biyo ku filan, waxay sababtaa in muruqyadu ay joojiyaan shaqadii ay jidhka u hayeen.

4.       Biyuhu waxay kor u qaadaan bilicda iyo nuuritanka maaqaanka qofka.